21 шілде 2021

ҚР Тәуелсіздігінің 30 жылдығына арналған «Тәуелсіздік және қазақ поэзиясы» мәнерлеп оқу байқауы ҚР Ұлттық ұланы 6506 әскери бөлімінде өтті. Сарбаздар Тәуелсіздік жылдары қазақ әдебиетіне үлкен серпіліс әкелген ақындардың шығармаларына бойлап, «Алаш» және «Ұлан» тобы бақ сынады.



3 шілде 2021

Қазақстан Республикасының астанасы Нұр-Сұлтан күніне орай «Елорда – елдің бірлігі» патриоттық кеш өткізілді. Онлайн тәртібінде өткен шара барысында астана тарихы, даму жолдары, жеткен жетістіктері туралы ақпарат берілді. Астананың көрікті орындарын, әсем ескерткіштері сипатталған бейнеролик дайындалып, «Мәңгілік Елдің арқауы, бақ ордасы» кітап көрмесі жасақталды. Елорда туралы фотоальбомдар, деректі мәліметтер, қоғамдық-саяси кітаптар, Елбасы Н.Назарбаевтың, ҚР Президенті Қасым Жомарт Тоқаевтың кітаптары қойылды. Тәуелсіздік перзенті, жаңа әлемдегі Қазақстанның жарқын бейнесі тарихына шолу жасалды.


1 шілде 2021

Ұлттық домбыра күніне орай «Домбыра - бабамның үні» атты іс-шара онлайн тәртібінде өтті. Қасиетті домбыраның құлағында ойнаған кітапханашы Райхан Сейдалиева, кітапхананың ең жас оқырманы Мұхаммеджан Жандарұлы қазақтың күмбірлеген күйін, әсем әндерін домбырада орындап тамаша көңіл-күй сыйлады. Домбыраның шығу тарихы жайында бейнефильм көрсетіліп, кітапхана қызметкерлеріне ауқымды ақпарат берілді.


25 маусым 2021

Бүкіләлемдік нашақорлыққа қарсы күрес күніне орай «Нашақорлықпен бірге күресейік!» өнегелік сағат Жасөспірімдер үйінде өткізілді. «ЖИТС-тің алдын алу және оған қарсы күрес жөніндегі орталық» маманы Жүргенбаева Назира, Жастар ресурстық орталығының психолог маманы Мамырхан Сапарайым түсіндірме жұмыстарын жүргізді.


18 маусым 2021

«Тәуелсіздігіміздің 30 жылдығына - 30 кітап» рухани-мәдени акциясы аясында «Драматургия» бойынша таңдалған кітаптарға онлайн-шолу ұсынылды. Кітапхана оқырмандарына көрнекті қаламгерлер Рахымжан Отарбаевтың «Айна ғұмыр», Дулат Исабековтің «Жеті желкен», Мәдина Омарованың «Көмбе нанның дәмі», Иран-Ғайыптың «Қорқыттың көрі», Думан Рамазанның «Пешене», Сая Қасымбектің «Жанталас» пьесалар жинағына мағлұмат берілді.


16 маусым 2021

Шымкент қаласының 2200 жылдығы, ҚР Тәуелсіздігінің 30 жылдығына арналған «Шуағын төккен Шымқала» өлкетану кеші Шымкент қаласының күніне орайластырылды. Рухани шараға Халықаралық Физули сыйлығының иегері, ақын Құрал Көмек, балалар ақыны Дәркен Танабаев шақырылды. Кеш қонақтары Шымқала туралы әңгімелеп, арнау өлеңдерін оқыды, оқырман сұрақтарына жауап берді.



9 маусым 2021

Академик, т.ғ.д., профессор Өмірзақ Озғанбаевтың 80 жасқа толуына орай «Ғалым. Қайраткер. Тұлға» атты портрет кешіне М.Әуезов атындағы ОҚУ, «Жеңілөнеркәсіп және сервис» колледжінің студенттері қатысты. Ө.Озғанбаевтың шоқтығы биік еңбектері «Рух күрескері», «Дәуір бел-белестерінде», «Халықтан асқан ұстаз жоқ», «Қара нар керек бұл іске», «Атамекен хикаялары», «Жарығы өшпейтін жұлдыз», «Дорога в будущее», «Там, где восходить солнце», тағы басқа да тағылымы терең танымдық-көпшілік, ғылыми, әдеби еңбектері таныстырылды.


4 маусым 2021

Бүкіләлемдік қоршаған ортаны қорғау күніне «Бұл жер - сенікі және менікі» тақырыбында экологиялық сабақ өтті. Іс-шараға М.Әуезов атындағы ОҚУ ІІ курс студенттері, «Экология, өлкетану және туризм» орталығының «Жас эколог», «Жас құтқарушы», «Жас зерттеуші», «Экология ландшафтану» үйірмесінің оқушылары қатысты. Оқырмандарға «Қазақстанның табиғаты», «Карантин кезіндегі қоршаған орта» атты бейнефильм көрсетіліп, әлемдік экологиялық проблемаларды жою туралы ақпарат берілді.



1 маусым 2021

Шымкент қаласының 2200 жылдығына арналған «Бір қала- бір кітап» акциясы аясында, 1 маусым- Бүкіләлемдік балаларды қорғау күніне орай «Шымқала – бақыт мекені» тақырыбында мерекелік кеш, «Туған өлкем-қандай көркем» тақырыбымен «Бір өлең – бір сурет» жас суретшілер байқауы өтті. Іс-шараға қонақтары мен қала тұрғындары, балалар мен жасөспірімдер, «Қаратау» дәстүрлі өнер мектебінің, «Нұрсәт» өнер мектебінің, №47, 64 мектеп оқушылары қатысты.



27 мамыр 2021

Жергілікті ақын Сабырбек Нұрманұлының 65 жасқа толуына орай «Бағым, сезім таусылмас - құтым өлең» поэзия кеші өтті. Іс-шараға М.Әуезов атындағы ОҚУ магистрі Аққу Қоныспаева, Жастардың уақытын тиімді ұйымдастыру орталығының жастары мен жетекшісі Марғуба Мұхтар, «Жеңілөнеркәсіп және сервис» колледжінің студенттері, Ақпан батыр атындағы №10 мектеп оқушылары қатысты.



18 мамыр 2021

Ақын, қоғам қайраткері Олжас Сүлейменов 85 жасқа толуына арналған «Азаттық рухын асқақтатқан - ақын» поэзия кешіне «Жеңілөнеркәсіп және сервис» колледжінің студенттері, Ө.Жолдасбеков атындағы №9 лицей оқушылары қатысты. Колледж жастары Бақтишат Дильназ, Болат Ұлдана, Октябрь Мөлдір, Илияс Хамизат қаламгердің туындыларын саралап, «От өрімдері» атты әдеби композиция ұсынды.



6 мамыр 2021

«Елін қорғау - ерге серт» ерлік сабағында ел қорғаны Қазақстан әскерінің тарихы, қазақ сарбаздары, қазіргі кездегі әскер өмірі туралы мағлұмат берілді. «Экология, өлкетану және туризм» орталығының оқушылары Ә.Мұрат, Ұ.Нуриддин, І.Жұмаділда, М.Жұмаділда, Н.Сүлеймен, А. Ерғалиұлы, «Ақ желкен» үйірмесінің мүшелері бейбіт өмір батырларына арналған «Текті елімнің қайсар рухты ұрпақтары» атты әдеби композиция ұсынды, тарихи викторина мен топтық мақал-мәтел сайысына белсене қатысты. Кітапханашы Райхан Сейдалиева кітап көрмеге шолу жасады.


5 мамыр 2021

Ұлы Жеңіс күніне «Өткен күндер жаңғырығы 1941-1945 жылдар» еске алу кеші өткізілді. Соғыс және тыл ардагерлері бір минут үнсіздікпен еске алынды. Ұлы Отан соғысының себеп салдары, тарихи деректері туралы мағлұмат берілді, бейнефильм көрсетілді.



29 сәуір 2021

Қазақстан халықтарының бірлігі күніне «Қазақстан бар ұлысқа шаңырақ» атты іс-шара өтті. Ұстаздық жолында аянбай еңбек етіп, білімді жастарды тәрбиелеген өзбек этнос орталығының қызметкері, ақын Эркинай Сұлтановамен қазақ халқының бірлігі, ынтымақтастығы туралы әңгіме өрбіді. Туындыларына әдеби композиция ұсынылды.


28 сәуір 2021

«Парасат жолы» орталығында «Тәуелсіздігіміздің 30 жылдығына – 30 кітап» рухани-мәдени акциясы аясында «Ұлтын сүйген жүрек үні» оқырмандар конференциясы онлайн форматта өткізілді. Шара барысында проза саласы бойынша таңдалған сөз зергерлері Т.Нұрмағамбетовтің «Періштелердің өлімі»,Т.Жармағамбетовтің «Отамалы», С.Досжанның «Қасірет пен тағдыр», Д.Қуаттың «Бөрісоқпақ», Т.Сәукетайдың «Желқайық», Ю.Серебрянскийдің «Дәмді де пайдалы қазақстандық әдебиет» кітаптары таныстырылды.



12 сәуір 2021

Ғарышкерлер күніне орайластырылған «Ғарышты бағындырған батырлар» көркемсуретті кітап көрмесіне 60 жыл бұрын ғарыш кеңістігіне алғашқы ұшқан Кеңес Одағының ұшқыш-ғарышкері Юрий Гагарин, қазақстандық ғарышкерлер, Халық Қаһармандары Тоқтар Әубәкіров, Талғат Мұсабаев, Айдын Айымбетов туралы жазылған кітаптар, мерзімді басылымдар бетінде жарияланған мақалалар қойылды. Оқырмандар Космонавтика мен ракеталық техниканың негізін салушы ғалымдар К.Э.Циолковский, С.П.Королевтың зерттеу еңбектерімен, қазақ жерінде орналасқан ең алғашқы «Байқоңыр» ғарыштық кешені жайлы ақпараттарға қанықты.


11 сәуір 2021

«Кітаппен бірге – Мәңгілік елге» жобасы аясында «ҚР Тәуелсіздігіне - 30 жыл» тақырыбында буккроссинг ҚР Ұлттық ұланы 6506 әскери бөлімде ұйымдастырылды. Тәуелсіздіктің отыз жылдығына орай республика бойынша таңдалған отыз кітап, «2021 жыл – Қазақстандағы балалар мен жасөспірімдердің кітап оқуын қолдау жылы» аясында жастарға арналған кітаптар, Отандық және шетелдік классиктердің шығармалары туралы мағлұмат берілді.



2 сәуір 2021

Халықаралық балалар кітабы күніне орай «2021 жыл-Қазақстандағы балалар мен жасөспірімдердің кітап оқуын қолдау жылы» көрме-насихат жасақталды. Оқырмандарға әлем елдерінің, Қазақстанның балалар жазушыларының кітаптары қойылып, мағлұматтар берілді.



20 наурыз 2021

«Наурыз той Шымкенттен басталады» мерекелік кеш өтті. Арнайы көркемделген залда Наурыздың берекелі ақ дастарханы жайылып, ұлттық тағамдар қойылды, Наурыз көже үлестірілді. Іс-шараға зиялы қауым өкілдері Н.Бегалыұлы, М.Байғұт, З.Қыстаубайұлы, Қ.Сәтмұханбетова және кітапхана директорлары Ш.Динасилова, З.Бегежанова қатысып, Наурыз мейрамының ұлылығы, ұлттық құндылығы туралы әңгіме өрбітті. Тұсаукесер дәстүрі орындалып, екі бүлдіршіннің тұсауы кесіліп, үлкендердің ақ батасын алды.



16 наурыз 2021

22 наурыз-Ұлыстың Ұлы күніне орай «Наурыз келді, құт келді» этнографиялық сайыс өткізілді.