10 тамыз – «Абай күні» аясында ұлы ақын, композитор, философ, саясаткер, ағартушы Абай Құнанбайұлының 175 жылдық мерейтойына орай «Абай әлеміне онлайн саяхат» өтті. Кітапханашылар Қ.Елекеева мен Т.Имантаева Шымкент қаласындағы Абай саябағы, Абай ескерткішін, ұлы ақынның туындыларын жалпы оқырман қауымға таныстырды. Қала тұрғындарымен «Абайды білесіз бе?», «Абайдың өлеңін жатқа оқып берсеңіз?», «Соңғы оқыған шығармаңыз?», «Жан дүниең үшін бір сағатыңды бөл!» сауалнама жүргізілді, тәтті сыйлықтар, буклеттер таратылды.
