«Жауқазын жүрек жырлайды» поэзия кеші Сирия мемлекетінен келген балалармен өтті. Шет елден Ата жұртына оралған балалар ұлы ақын Абай Құнанбайұлының, ақын Қадыр Мырза Әлінің, ақын Мұқағали Мақатаевтың, Махамбет Өтемісұлының өлең-жырларын естіп, рухани сусындады. Шараға қатысушы әрбір бала арман-тілектерін, адамдарға арналған ғибратты сөздерді қағаз бетіне түсіріп, «Мәуелі Бәйтерек» құрастырды. М.Әуезов атындағы ОҚМУ магистр-оқытушысы Аққу Қоныспаева бастаған жас таланттар тобы әдеби композиция, №26 мектеп оқушысы Б.Темірхан күмбірлеген күй, кітапхана қызметкерлері патриоттық әндер шырқап, Сириядан келген балалар тамаша көңіл күйде тарқады. Кітапханаға тіркеліп, көркем әдебиеттерді оқуға ықыластары ауды.