Кітапханада «Жаңа есім. Жаңа толқын.» тақырыбында жас жазушы, әрі драматург – Алишер Рахаттың «Parallel» кітабының тұсаукесер кеші өтті. Кешті ҚР Мәдениет қайраткері, драматург – Сая Қасымбек жүргізіп отырды. Тұсау қию рәсімін ақын Д.Танабай мен кітапхана басшысы Р.Бабажанқызы жасады. Кеш себепкері ақын А.Рахат жиналған жастар үшін бес бөлімнен тұратын махаббат айдынына толы авторлық кітабымен тереңірек таныстырды.Шығарма төңірегінде оқырманды толғандырған бірқатар сұрақтарға жауаптар беріліп отырды. «Ұл-Ас» өнер мектебінің өнерпаздары Абдрахманов Асан пен Б.Төлеу дәстүрлі әндерін тарту етті.
