19 маусым – Қала күніне орай «Жүрегім сен деп соғады» онлайн поэзия сағаты өтті. 2020 жыл Үшінші мегаполистің мерейлі 2200 жылдығы. Сонымен қатар, «2020 жыл – Шымкент ТМД елдерінің мәдени астанасы» болып жарияланды. Осыған байланысты қаланың туған күніне поэзиядан шашу шашылды. Достық пен өзара ынтымақтастықты өрістеткен Шымкент қаласы мен көрікті жерлері туралы ақын Әбілда Аймақтың «Шырайлы Шымкентім», Кендебай Ахаттың «Шуағын шашқан Шымқала» және Дәурен Айманбетовтың «Шымкент» атты өлеңдерінен бейне поэзия ұсынылды.
