Электронды кітаптың ыңғайлы түрінің бірі – «мобильді кітапхана». Кітапсүйер оқырмандардың кітапханаға келмей, арнайы QR-кодталған кітаптарды қоғамдық көліктің ішінде отырып оқу мүмкіндігі туды. Бүгін Әл-Фараби атындағы қалалық ғылыми-әмбебап кітапханасы мен жасөспірімдер кітапханасы бірігіп қаламыздың қоғамдық көліктерінде қала тұрғындарының назарына арнайы QR-кодталған кітаптардың нұсқасы ұсынылды. Ұялы телефон арқылы оқу мүмкіндігі туған бұл шараға жолаушылар разылығын білдірді.
