Қазіргі таңда болашақ жастардың санасына парасаттылықтың ілімін сіңіріп, сыбайлас жемқорлыққа қарсы көзқарасын қалыптастыру және адалдық қағидатын енгізу мақсатында көптеген жұмыстар атқарылып жатыр. Осыған байланысты Шымкент қалалық жасөспірімдер кітапханасында Сыбайлас жемқорлыққа қарсы «Парасат жолы» орталығында «Парасатты ұрпақ – жарқын болашық кепілі» атты ақпараттық сағат Маржан Тасова атындағы үш тілде оқытатын мамандандырылған №12 мектеп-интернатының 7 сынып оқушыларымен өткізілді. Ақыл-парасаттылығымызды қалыптастыруда руханиятымызбен, ақыл-ой, санамызды адалдыққа, шынайылыққа, мәдениеттілікке тәрбиелеуіміз, ар намысты, өр рухты, тұлға болып қалыптасуымыз біздің ең басты міндетіміз.
