1 желтоқсан – Бүкіләлемдік ЖИТС-ке қарсы күрес күніне орай «Саналы ұрпақ, салауатты болашақ» атты мамандар кеңесі Ақпан батыр атындағы №10 мектеп оқушылары арасында өткізілді. Іс-шараға Шымкент қаласының денсаулық сақтау басқармасының «ЖИТС-тің алдын алу және оған қарсы күрес жөніндегі орталық» МКҚК-нің маманы Н.Жүргенбаева қатысты. Оқушылардың білімдерін молайтып, түсініктерін кеңейту үшін осы дерттен сақтану жолдарынан кең көлемді мәлімет беріп, ауруға қарсы күрес шараларымен таныстырды. «Әрбір жаманшылықтың жағасында тұрып, адамның адамдығын бұзатын жаманшылықтан бойын жинақтау, бұл адамға нұр болады» деп Абай атамыз айтқандай, танымдық әдеби шығармаларды оқуға, салауатты өмір салтын ұстану жолдарын насихаттады.
