«Парасат жолы» орталығында Қазақстан Жазушылар және журналистер одағының мүшесі, Ғ.Мүсірепов және С.Адамбеков атындағы әдеби сыйлықтардың лауреаты, баспасөз саласының үздігі, жазушы – журналист Сабырбек Олжабаймен «Тағылымды ой, парасатты пікір» атты онлайн сыр-сұхбат өтті. Автор парасаттылық тақырыбында өнегелі, сүбелі ой – толғаныстарымен бөлісті. Қоғамдағы жемқорлық жайында да ащы шындықты айтып, өзінің прозалық шығармаларындағы ізденістері жайлы парасатты пікір білдірді. Сұхбат соңында «Жүрегіне қаламын сүйеген» майталман журналист оқырмандарды рухани әлем көкжиегін кітап оқу арқылы көтеруге шақырды.
