Ұлы ақын, композитор, философ, саясаткер, ағартушы Абай Құнанбайұлының 175 жылдық мерейтойына орай «Қара сөздер» оқу эстафетасы бастау алды. Кітапханашы Қ.Елекеева ұлы ғұламаның өмірі мен шығармашылығынан ақпарат берді. Қара сөздің адамзат баласы үшін тәрбиелік мәні, тағылымды руханилығы туралы әңгімеледі.
Эстафета Абай Құнанбайұлының 1-ші қарасөзімен ашылып, көрермендерге ұсынылды. Эстафетаны кітапханашылар бір-бірінен қабылдап, әдебиет сүйер көпшілікті Абай әлеміне бойлатты.
Оқырмандар оңды пікірлер қалдырып, рухани орданың шырақшыларына ыстық лебіздерін білдірді.