16-22 қараша 2020 жыл.
«Шымкент – ТМД елдерінің мәдени астанасы» жылының жабылуы аясында «Әдеби автобус» акциясы, «Кітаппен бірге – Мәңгілік елге» суреттемелі кітап көрмесі және әдеби-поэзиялық оқу ұйымдастырылды.
Апта бойы «Әдеби автобус» «Shymkent bus» ЖШС-нің №108, №133 қалаішілік жолаушылар көлігінде қала тұрғындарын рухани, тағылымды ақпараттармен сусындатты. «Тарихы терең Шымқала – 2200 жыл», «Шымкент – ұлысымның ұйытқысы», «Әл-Фараби – 1150 жыл», «Абай – 175 жыл», «Шәмші – 90 жыл» тақырыбында өлең-жырлар оқылып, әндер шырқалды, викторина жүргізілді. Белсенді қатысып, дұрыс жауап берген жолаушыларға сыйлықтар тапсырылды.